Transcription
1
Monseigneur, nous avons esperé scours à noz despances et charges (qui vous
2
sont assez congneues) par la tenue des estatz derniers, croians que,
3
à la coustumée, lon imposeroit quelque notable somme sur l’universel
4
pour partie de rambourcement à ceulx qui sont les plus foulez
5
(entre lesquelz nous pouvons estre nombrez). Mais ayant esté par
6
ledit estat ranvoyé tel rambourcement esperé en lannée prochaine
7
advenir, nous sommes demeurez sans espoir pour ce regard. Et
8
neaulmoings veoyans les charges continuer et acroitre de jour
9
à aultre, tant pour la fortification de ceste ville, que pour
10
lentretenement de plusieurs officiers extraordinaires, et achept de
11
ce qui est necessaire pour la garde de la ville, nous avons estez
12
forcez de suplier monsieur de La Tivolière de vouloir imposer
13
et permetre estre exigé pour chacun mulez chargé de marchandise
14
pasant seulement par ladite ville, douze solz, et ce pour tel temps qui
15
luy plerroit ; ce que ayant conferé avec plusieurs bons seigneurs et
16
de toutes qualitez, il nous a acordé (sauf vostre bon plaisir)
17
comme luy mesmes vous faict entendre, ce que nous vous prions,
18
monseigneur, vouloir auctoriser et aprouver, heu mesmes esgard à
19
nostre pauvreté et impuissance, procedent tant du fais de la guerre,
20
que de la sterilité et penurie de toutes choses, et aux charges
21
qui nous sont sur les bras, à vous monseigneur comme jà est dict,
22
fort congneues. Parce moyen, monseigneur, nous pourrons avecq quelque
23
respict continuer de mieulx en miieulx à la concervation de ceste
24
ville et execution de voz mandemans, prians ce pandent le
25
Createur quil vous doint,
26
monseigneur, en heureuze santé et acroissement de voz estatz,
27
longue vye. A Grenoble, ce XXIIIe mars 1574
28
Voz très humbles et très hobeissans
29
serviteurs les consulz de Grenoble
30
A de Marscot[ ?]